Kim Chen Inning akasi Kleptonning konsertida qatnashganidan keyin KXDRga qaytmadi

Shimoliy Koreyadagi jurnalistlar davlat rahbarining akasi Kim Chen Chxolning taqdiridan xavotir olishmoqda. Bu haqda Renxap nashrida yozilgan.

20-21 may kunlarida Kim Chenning ikkinchi akasi Londonda gitarachi Erik Kleptonning konsertida ishtirok etgandi.

22 may kuni esa u izsiz g‘oyib bo‘ldi. U vataniga qaytish uchun avvaliga Moskvaga, u yerdan Pekinga va keyin Pxenyanga uchishi kerak edi. Lekin, OAVlarda ma'lum qilinishicha, Kim Chen Chxol London aeroportida Moskvaga uchish uchun qaydnomadan o‘tmagan.