Forbes jurnali dunyoning eng nufuzli 100 nafar ayoli reytingini chop etdi. Unda ketma-ket 5-marotaba 1-o‘rinni Germaniya kansleri Angela Merkel egalladi.
Reytingning 2-o‘rnida Hillari Klinton qayd etildi, u 2004 yildan beri ushbu reytingdan joy olib kelmoqda. Bundan tashqari, eng nufuzli ayollar ro‘yxatining yuqori o‘ntaligiga Bill Geytsning rafiqasi va tadbirkor Melinda Geyts, AQSh Federal zaxira tizimi rahbari Janet Yyellen, General Motors bosh direktori Meri Barra, Xalqaro valyuta jamg‘armasi rahbari Kristin Lagard, Braziliya prezidenti Dilma Rusef, Facebook direktorlar kengashi a'zosi Sheril Sandberg, YouTube bosh direktori Syuzen Vojiski va AQShning amaldagi prezidenti Barak Obamaning rafiqasi Mishel Obama ham kiritilgan.
Bundan tashqari, ushbu ro‘yxatga shou-biznes vakilalari – xonandalar Beyonse, Teylor Svift va Shakira, teleboshlovchi Opra Uinfri va aktrisalar Anjyelina Joli va Sofiya Vergara ham kiritildi.
Merkel 2011–2014 yillarda ham ushbu ro‘yxatga yetakchilik qilgan. 2010 yilda ryxatning eng yuqori pog‘onasini Mishel Obama egallagan edi.