Italiyada Uber taksiga buyurtma berish xizmati taqiqlab qo‘yildi

Milan sudi Uber taksilarga buyurtma berish xizmatining o‘z xizmatlari uchun oladigan xizmat haqi past miqdorda bo‘lgani uchun butun Italiya bo‘ylab uning faoliyatini to‘xtatib qo‘yishga qaror qildi. Bu haqda The Wall Street Journal nashri xabar bermoqda.

Sud hakami Uber'ning o‘z xizmati uchun oladigan past xizmat haqi oddiy taksichilar o‘rtasida vijdonsiz raqobatchilikni yuzaga keltirayotganini ta'kidlab o‘tdi. Mamlakat hududida ushbu xizmat faoliyatining to‘xtatilishiga 15 kun muhlat berildi, aks holda kompaniyaga kuniga 22 ming dollarlik jarima solinishi mumkin.

Uber sudning qarori ustidan shikoyat qilishini hamda taksi xizmatidan yana ikki hafta davomida foydalanish mumkinligini ta'kidlamoqda.