UYeFAning sobiq rahbari Lennart Yuxansson Rossiyada o‘tishi kerak bo‘lgan 2018 yilgi Jahon chempionatini o‘tkazish huquqini Angliyaga berishga chaqirmoqda, deb xabar bermoqda Reuters axborot agentligi.
“Nimalar sodir bo‘layotganidan hayron qolmasa ham bo‘ladi. Blatter FIFA prezidenti saylovlari u istagancha o‘tishi uchun barcha narsani qiladi. Afsus va nadomat bilan aytish kerakki, dunyoning eng yirik futbol tashkilotida shunday yetakchi turibdi. Men haqiqatda afsusdaman”, deb aytdi Yuxansson.
Yuxansson FIFA 2018 yilgi va 2022 yilgi jahon chempionatlari bo‘yicha qarorlarini qayta ko‘rib chiqishiga umid bildirmoqda.
“Angliyada jahon chempionati 1966 yildan beri o‘tkazilmayotgan edi, axir bu davlat futbol vatani hisoblanadi. 2018 yilgi jahon chempionati deganda, Angliyaga e'tiborni qaratish lozim”, deb ta'kidlab o‘tdi Yuxansson.