AQShdagi Kremniy vodiysida joylashgan Utilizatsiya markazi Apple ishlab chiqargan ilk shaxsiy kompyuterlaridan biri bo‘lgan noyob kompyuterni chiqindi sifatida topshirib yuborgan ayolni qidirmoqda. Ushbu Apple I rusumidagi kompyuterning narxi 200 ming dollarga yaqinni tashkil qiladi, deb xabar bermoqda kompaniya.
SanJoseMercuryNews nashrining yozishicha, ayol o‘z erining o‘limidan keyin uyini tozalayotgan paytda eriga tegishli bo‘lgan elektronika solingan bir nechta qutini utilizatsiyaga topshirib yuborgan. Chiqindilar orasida Apple I kompyuteri ham bo‘lgan. Bu kompyuter yaqinda shaxsiy kolleksiyalardan biriga sotib yuborildi. Shu munosabat bilan utilizatsiya kompaniyasi ayolga ushbu kompyuter uchun 100 ming dollar berishga tayyorligini aytmoqda.
Apple I kompyuteri Apple asoschilari Stiv Jobs, Stiv Voznyak va Ron Ueyn tomonidan yaratilgan shaxsiy kompyuterning ilk modellaridan hisoblanadi. Kompyuter 1976 yilda 200 dona miqdorida ishlab chiqarilgan.