29 may kuni Qirg‘izistonda Milliy Olimpiya qo‘mitasi prezidentligiga saylovlar bo‘lib o‘tdi. Unda Jo‘qorg‘i Kengash deputati Sharshenbek Abdukarimov g‘alaba qozondi, deb xabar beradi Qirg‘iziston telegraf agentligi.
Ovoz berishda Milliy Olimpiya qo‘mitasining 44 a'zosidan 37 nafari ishtirok etdi; ularning ko‘pchiligi Abdukarimovni qo‘llab-quvvatladi. Jismoniy tarbiya va sport bo‘yicha davlat agentligi xodimlarining e'tirof etishicha, Abdukarimov boshchiligidagi kurash federatsiyasi ikki marta Qirg‘izistondagi eng yaxshi federatsiya nomini olgan.
Bundan tashqari, Abdukarimov “Ayu” aroq ishlab chiqaruvchi zavodlar tarmog‘ining xo‘jayini hisoblanadi. U “Qirg‘iziston” partiyasining yetakchisi hamdir.
