Gonkongda Hermes Birkin sumkasi rekord darajadagi 223 ming dollarga sotildi

Timsoh terisidan ishlangan qirmizi rangdagi Hermes Birkin sumkasi Gonkongda Christie's International Plc auksionida rekord darajadagi narxga – 1,72 mln gonkong dollariga (223 ming AQSh dollari) sotildi.

2014 yilda ishlab chiqarilgan ushbu sumka xonanda va aktrisa Jyeyn Birkinning sharafiga uning nomi bilan atalgan.

Hermes sumkasi uchun to‘langan avvalgi rekord qiymat 203 ming dollarni, barcha brendlar orasida eng qimmat sotilgan sumka esa 218,5 ming dollarni tashkil qilayotgan edi. Aktrisa Elizabet Teylorga tegishli bo‘lgan bu sumka 2011 yilda Nyu-Yorkda Christie's auksionida sotilgan edi.