O‘zbekiston TIVda Turkmaniston Vazirlar Mahkamasi raisi o‘rinbosari bilan uchrashuv bo‘lib o‘tdi

2015 yilning 2 iyun kuni O‘zbekiston Respublikasi tashqi ishlar vaziri Abdulaziz Komilov O‘zbekistonga rasmiy tashrif bilan kelgan Turkmaniston Vazirlar Mahkamasi raisi o‘rinbosari, tashqi ishlar vaziri Rashid Meredov bilan uchrashdi.

Suhbat davomida ikki tomonlama munosabatlarni rivojlantirish masalalari, O‘zbekiston va Turkmaniston tashqi siyosat idoralari o‘rtasidagi aloqalarni mustahkamlash yo‘llari va mexanizmlari muhokama qilindi.

Shuningdek, bo‘lajak oliy darajadagi uchrashuvga tayyorgarlik nuqtai nazaridan o‘zaro manfaat kasb etgan O‘zbekiston-Turkmaniston aloqalarini mustahkamlash istiqbollari ko‘rib chiqildi.

Ikki davlat TIV rahbarlari dolzarb xalqaro va mintaqaviy masalalar yuzasidan ham fikr almashdilar.

Muzokaralarda Turkmanistonning O‘zbekistondagi elchisi Shiri Shiriyev ishtirok etdi.