Moskvada avtobus bekatiga bola tashlab ketmoqchi bo‘lgan o‘zbekistonlik ayol qo‘lga olindi

Moskvada avtobus bekatiga bola tashlab ketmoqchi bo‘lgan o‘zbekistonlik ayol qo‘lga olindi. Bu haqda “BaltInfo” axborot agentligi xabar bermoqda.

Aniqlanishicha, shahardagi 4-sonli tug‘ruq uyi yaqinidagi avtobus bekatidan yangi tug‘ilgan qizcha topilgan. Uning yonida tug‘ilganlik haqidagi guvohnoma ham bo‘lgan. Oradan 15 daqiqa o‘tgach, huquq-tartibot xodimlari qizaloqni tashlab ketgan, mehnat muhojiri bo‘lgan ayolni qo‘lga olishdi.

Surishtiruv ishlari davomida ma'lum bo‘lishicha, qizcha 5 may kuni 23 yoshli o‘zbekistonlik ayol tomonidan dunyoga keltirilgan. Bolaning onasi farzandini dugonasiga tashlab, o‘z yurtiga ketib qolgan. Dugonasi, o‘z navbatida, qizaloqdan qutulish uchun uni bekatda qoldirib ketgan.