Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Қирғизистонга ўнг томонли рулга эга машиналар олиб кириш тақиқланди
09:57 / 04.06.2015
1281

4 июндан Қирғизистонда рули ўнг томонда жойлашган машиналарни олиб кириш ва рўйхатдан ўтказишга тақиқ кучга киради. Бу ҳақда давлат рўйхатга олиш хизмати хабар бермоқда.

Бу борадаги қонун 26 февраль куни мамлакат президенти Алмазбек Атамбаев томонидан имзоланган эди. Фақатгина чет элликларга тегишли, 6 ойдан ортиқ бўлмаган муддатга олиб кириладиган машиналар бундан мустасно.

Бундан ташқари, тақиқ коммунал ва қишлоқ хўжалиги, қурилиш ва йўл таъмири эҳтиёжларига қаратилган машиналар, автокранлар, автобурғулар ва яна баъзи транспорт воситаларига тегишли эмаслиги айтилмоқда.


Улашинг
  • Теглар:
Top