2013/2014 yilgi mavsum yakunlariga ko‘ra APL jamoalarining jami daromadi 3,26 mlrd funt sterlingni tashkil qilgan

Deloitte xalqaro audit kompaniyasi Angliya premer-ligasi klublari daromadidagi o‘sish ko‘rsatkichlarini qayd etdi. Bu haqda VVS nashri xabar tarqatdi.

2013/2014 yilgi mavsum yakunlariga ko‘ra, jamoalarning daromadi 29 foizga o‘sgan bo‘lib bu ko‘rsatkich 3,26 mlrd funt sterlingni tashkil qilgan. Mazkur daromadlarning 54 foizi o‘yinlar translyatsiya huquqini sotilishidan kelgan.

Ta'kidlab o‘tish joiz, APL klublarining daromadi La-liga va Italiya A seriyasi kulblarining daromadini qo‘shib hisoblaganda ham ko‘proq ko‘rsatkichni qayd qilgan. Shuningdek Bundesliga klublari daromadidan bu ko‘rsatkich 1 mlrd funt sterlingga ko‘proq.

Eng katta daromad «Manchester Yunayted»ga tegishli – 433 mln. funt, eng kam daromad ko‘rgan jamoa esa «Kardiff Siti» (83 mln. funt sterling) bo‘lib turibdi.

Qo‘shimcha qilib o‘tish kerak, Angliya ikkinchi divizioni – chempionship daromadlari o‘tgan yilgiga nisbatan 12 foizga oshib, jami daromad 491 million funt sterlingni tashkil qilgan.