Rim papasi xizmat paytida Hyundai Santa Fe kabrioletida yuradi

Rim papasi Frantsisk rasmiy safarlar hamda Vatikandagi Avliyo Pyotr maydonida har hafta o‘tkaziladigan audiyentsiya uchun yangi avtomobilga ega bo‘ldi. Endi katolik cherkovi rahbari usti ochiq Hyundai Santa Fe mashinasida yuradi.

Bunga qadar u Mercedes-Benz M-Class bazasida yaratilgan papamobil ishlatar edi. Mashinaning o‘ziga xosligi shunda ediki, kuzovining orqa qismiga zirhli shisha kapsula o‘rnatilgan edi. Bunday zirhlarni 1981 yili Ioann Pavel II ga uyushtirilgan suiqasddan so‘ng papalarning mashinalariga o‘rnata boshlagan edilar. Hyundai mashinasida bunday kapsula yo‘q.
Texnik tavsifga kelsak, avtomobil 2.2 litrli dizelli dvigatel bilan ta'minlangan.