O‘zbekistonda mintaqalarni axborotlashtirish bo‘yicha sinov loyihalari boshlanadi

O‘zbekistonda mintaqalarni axborotlashtirish bo‘yicha sinov loyihalari boshlanadi. Sinov loyihalari Toshkent shahrining Sirg‘ali va Toshkent viloyatining Pskent tumanlarida amalga oshirilishi tasdiqlandi.

Ushbu hududlarda O‘zbekiston prezidentining 2013 yil 26 martidagi 2518-raqamli “2015 yilda IKT sohasidagi hamkorlik bo‘yicha O‘zbekiston-Koreya qo‘shma loyihasi to‘g‘risida”gi qarori doirasida dasturlar ishga tushiriladi.
Koreya axborotlashtirishni tadqiq etish va rivojlantirish instituti delegatsiyasi mintaqaviy organlar tayyorgarligini tekshirish hamda ma'muriy ishlarni axborotlashtirish bo‘yicha bosh rejani ishlab chiqish maqsadida Toshkentga tashrif buyurdi. Delegatsiya rejani muhokama qilish uchun bir qator uchrashuvlar o‘tkazdi.

Uchrashuvlar davomida koreyalik mutaxassislar tomonidan quyidagi mavzudagi loyihalar taqdim qilindi:
1) Local Informatization Master Plan for Uzbekistan (O‘zbekistonni mintaqaviy axborotlashtirish bo‘yicha bosh reja);
2) Understanding BPR and its applications (BPR haqida tushuncha va uning qo‘shimchalari).
Koreya delegatsiyasi hokimiyat tomonidan xizmatlar ko‘rsatilishi jarayonini sinchiklab o‘rganish maqsadida Toshkent hokimiyatida ish olib bordilar. Bundan tashqari, ular Sirg‘ali tumani hokimiyatida uchrashuvlar o‘tkazdi.