Qozog‘iston Tashqi ishlar vazirligi Makkaga boradigan xaj ziyoratchilarni MERS virusidan ogoh qilmoqda

Qozog‘iston Tashqi ishlar vazirligi Makkaga boradigan xaj ziyoratchilarini MERS virusidan ogohlantirmoqda. Bu haqda vazirlik vakili Altay Abibullayev xabar bermoqda.

Avvalroq Yaqin Sharq respirator sindromi (MERS) koronavirusidan Janubiy Koreyada halok bo‘lganlr soni 7 nafarga, kasallanganlar soni 95 nafarga yetgani ma'lum qilingandi.
“Agar bu virusning Janubiy Koreyada tarqalish tarixiga qaraydigan bo‘lsak, unda Yaqin Sharqdan qaytgan mamlakat fuqarosi birinchi kasallangan odam bo‘ldi. 18 iyunda ro‘zai-ramazon oyi boshlanadi. 30 kundan keyin bizning fuqarolar Saudiya Arabistoniga xaj ziyoratini amalga oshirgani boradilar. Bu davlatda ushbu virusdan halok bo‘lish hollari qayd qilingan. Shu munosabat bilan biz juda ehtiyot bo‘lishimiz kerak”, deb aytdi Abibullayev ushbu munosabat bilan o‘tkazilgan matbuot-anjumanida.

Abibullayev, shuningdek, Janubiy Koreyaga yo‘l oluvchi fuqarolarni ham bu xavfdan ogoh qildi.
“Biz harakatlanish huquqini taqiqlab qo‘ya olmaymiz – bu har bir fuqaroning mustaqil huquqidir, biroq biz e'tiborni qaratishni va odamlarning juda ehtiyot bo‘lishini istardik”, deb aytdi Abibullayev.