O‘zbekiston fuqarosi Kaliningradga 1.5 tonna cho‘chqa go‘shti olib kirishga harakat qildi

O‘zbekiston fuqarosi Rossiyaning Kaliningrad o‘lkasiga noqonuniy ravishda 1.5 tonna cho‘chqa go‘shti olib kirishga harakat qildi. Aytilishicha, u Polshadan Fiat Dukato avtomashinasida qaytayotganida “Bagrationovsk” postida to‘xtatib qolingan.
Kaliningrad.Ru resursining o‘lka bojxonasi matbuot xizmatiga tayangan holda xabar qilishicha, u deklaratsiya to‘ldirmagan. Bojxonachilar yuk qismida shubhali to‘siqlar borligini payqashgan. Unda umumiy hajmi 1.5 tonnani tashkil qiladigan 765 paket muzlatilagan cho‘chqa go‘shti bo‘lagi topilgan.
Tovar musodara qilingan. Voqea yuzasidan ish qo‘zg‘atilgan.