NATO Rossiyaning yadro tahdidlariga tayyor ekanligini ma'lum qildi

Rossiyaning yadro qurolini “ko‘z-ko‘z qilishi” NATOni har qanday tahdidlarga tayyor turishga chaqirmoqda. Bu borada alyansning bosh kotibi Yyens Stoltenberg bayonot berdi.

“Rossiya tomonidan yadroviy qurollarning ko‘z-ko‘z qilinishi o‘zini oqlamaydigan, beqarorlashtiruvchi va xavfli qadamdir. Biz mana shu narsaga e'tibor qaratamiz. Shu sababdan biz o‘z kuchlarimizning tayyorgarligini oshirmoqdamiz”, – uning so‘zlarini keltiradi UNIAN agentligi.

Stoltenbergning so‘zlariga qaraganda, Moskva oxirgi paytlarda mudofaa sohasiga va yadro quroliga ko‘p mablag‘ ajrata boshladi.