Kolumbiyadan uchralgan mag‘lubiyat Dunganing 11 uchrashuvdan iborat g‘alabali seriyasiga yakun yasadi

Braziliya terma jamoasi Amerika Kubogi-2015 turnirining guruh bosqichida Kolumbiyaga 0:1 hisobida mag‘lub bo‘ldi.

Shu tariqa, Dunga 2014 yilgi mundialdagi muvaffaqiyatsizlikdan keyin terma jamoa boshqaruviga kelganidan beri ilk marta mag‘lubiyatli o‘yinni o‘tkazdi. Shu vaqtgacha u 11 uchrashuvdan iborat g‘alabali seriya qayd etgandi.

Braziliya termasi uning boshqaruvida Ekvador (1:0), Argentina (2:0), Yaponiya (4:0), Turkiya (4:0), Avstriya (2:1), Fransiya (3:1), Chili (1:0), Meksika (2:0), Kolumbiya (1:0), Gonduras (1:0) va Peru (2:1) jamoalarini mag‘lubiyatga uchratgandi.