Samarqand viloyati Paxtachi tumani Misit mahallasida joylashgan "Baxt" to‘yxonasida noma'lum shaxs 1976 yilda tug‘ilgan mahalliy aholi vakilasining bo‘ynidan sariq metalldan yasalgan zanjirlarini ochiqdan-ochiq yulib olib, voqea joyidan yashiringani ma'lum qilingan.
Tuman ichki ishlar bo‘limi xodimlari tomonidan olib borilgan tezkor tadbirlar natijasida g‘araz niyatli shaxs qo‘lga olindi va talonchilik to‘liq fosh etildi. Ushbu talonchilikni xatirchilik 32 yoshli fuqaro sodir etgani aniqlandi. Mazkur holat bo‘yicha jinoyat ishi qo‘zg‘atilib, tergov harakatlari olib borilmoqda.