Namanganda do‘kon sotib olib berishni va'da qilib, do‘stini aldagan firibgar qo‘lga olindi

Namanganda istiqomat qiluvchi Sherali Abdullayev yaqin do‘sti Ibrohim Orifjonovni aldab, undan katta miqdorda pul undirganlikda ayblanib, jazoga tortildi. Voqea tafsilotlari “Huquq” gazetasida keltirildi.
Aytilishicha, u do‘stiga qo‘shni tumandagi “Popmatlubotsavdo” MChJga qarashli 3-sonli savdo do‘koni binosini “hokimiyatdagi tanishlari orqali” 4.5 mln so‘mga sotib olib berishini aytib, “xizmat haqqi” sifatida undan 500 dollar olgan.

Oradan vaqt o‘tib, Abdullayev Orifjonovdan yana 1.5 mln so‘m so‘ragan, lekin Ibrohimov 1.2 mln so‘m topib bera olgan. Bir muddat so‘ng u “suyunchi puli” sifatida yana 100 dollar olgan.
Aldanganini tushungan Orifjonov SVOJJDLQK departamentining Pop tuman bo‘limiga murojaat qilgan. Bo‘lim tomonidan murojaat yuzasidan tadbir o‘tkazilib, Abdullayev Orifjonovdan yana 1.7 mln so‘m olayotganida qo‘lga olingan.