Afg‘oniston qurolli kuchlari Tojikiston bilan chegarada joylashgan Badaxshon viloyatining jangarilar nazorat qilayotgan bir tumanini tortib oldi. Bu haqda mamlakat ichki ishlar vazirligi xabar berdi.
Vazirlik vakili Siddiq Siddiqiyning Khaama Press agentligiga bergan ma'lumotlariga qaraganda, harbiy amaliyot chog‘ida 120 nafar jangari yo‘q qilingan. Harakatlar Badaxshonning Yamg‘on tumanida amalga oshirilgan.
Siddiqiyning qayd qilishicha, yo‘q qilingan jangarilarning 6 nafari komandirlar bo‘lgan. Ulardan biri, o‘z navbatida, Tojikiston fuqarosi bo‘lgan.
Bundan tashqari, “Tolibon” harakati jangarilari Qunduz viloyatining tumanlaridan birini egallab olgani xabar qilinmoqda.
