Rossiya sport vaziri Vitaliy Mutko Sankt-Peterburgga tashrifi chog‘ida terma jamoa bosh murabbiyi Fabio Kapello bilan shartnomani bekor qilish shartlarini muhokama qilish uchun Rossiya prezidenti Vladimir Putin bilan uchrashgan. Bu haqda RBK nashri xabar tarqatdi.
Manbaning yozishicha, Mutko Peterburg xalqaro iqtisodiyot forumiga aynan Kapello bilan munosabat tartibga solish bo‘yicha rejani tasdiqlash uchun tashrif buyurgan.
RFI vasiylik kengashi a'zolarining biri tomonidan aytilishicha, murabbiy bilan shartnoma muddatidan oldin bekor qilingan taqdirda u bir yillik oylik maoshidan ortiq tovon puli undirishga haqqi yo‘q. Bu borada Rossiya sport sudida ustunlikka ega bo‘lishi mumkin.