Jyeyson Steytem ijrosidagi Dekkard Shou obrazi "Forsaj"ning sakkizinchi qismida ham bo‘ladi. Bu haqda aktyorning o‘zi Access Hollywood teledasturi muxbiri bilan suhbat vaqtida ma'lum qilgan.
Uning aytishicha, filmning ijodiy guruhi navbatdagi qismda qanday voqealar kechishi haqida muhokama o‘tkazib ulgurgan va bu syujyetlarda Jyeyson Steytem yaratadigan obrazga o‘rin mavjud. Film haqidagi batafsil ma'lumotlar 2017 yilda e'lon qilinishi rejalashtirilgan.
"Men bu loyihada yangi odamman. Meni "Forsaj" filmining yettinchi qismini suratga olish ishlari yakunlangani munosabati bilan tashkil etilgan oqshomga taklif qilishdi va o‘shanda keyingi filmda ham ishtirok etishim haqida bildim", deydi Steytem.
U filmning muxlislariga minnatdorchilik bildirgan va keyingi qismda yanada qiziqarliroq sahnalar bo‘lishini aytib o‘tgan.
Ma'lumot uchun, Steytem "Forsaj"ning oltinchi va yettinchi qismlarida ishtirok etgan. Bu filmda asosiy rollarni undan tashqari Vin Dizel, Kurt Rassel, Pol Uoker va Mishel Rodriges kabi aktyorlar ijro etishgan.
Bu loyiha Universal kinokompaniyasi uchun eng foydali loyiha hisoblanadi va shu vaqtgacha 7 qismdan 2,3 mlrd dollar daromad keltirgan.