Chevrolet kompaniyasi mashina signalizatsiyasi ishga tushganda smartfonga xabar yuboradigan Theft Alarm Notofocation texnologiyasini namoyish qildi. Bu haqda General Motors avtomobil konsernining rasmiy saytida ma'lum qilindi.
Ushbu yangi funksiya avtomobilning o‘rnini aniqlash va masofadan turib uning dvigatelini o‘t oldirish tizimini to‘sib qo‘yishga imkon beruvchi OnStar xizmatiga qo‘shimcha sifatida joriy qilindi. Theft Alarm Notofocation funksiyasi kompaniya tomonidan 2014 yilda ishlab chiqarilgan avtomobillarning ko‘pchiligida ishlay oladi.
OnStar xizmati faqatgina AQSh, Kanada va Lotin Amerikasining ba'zi davlatlarida ishlaydi. Xizmat smartfonga xabarlar yuborishdan tashqari, mobil aloqa operatorini avtomobil egasi bilan ulay oladi.