Falcon 9 raketasi halokati Space X boshlig‘ining tug‘ilgan kuni bazmi o‘tadigan kunga to‘g‘ri keldi

2015 yilning 28 iyun kuni Space X asoschisi Elon Mask 44 yoshini nishonladi.

Xuddi shu kuni Falcon 9 raketasi parvozga ko‘tarilganidan 3 daqiqa o‘tib, portlab ketdi.

Elon Mask bu parvoz muvaffaqiyatli amalga oshirilgani haqida intervyu berishga tayyorlanayotgandi.

Lekin buning o‘rniga u o‘z tvitteriga "bu kun hayotidagi eng yomon tug‘ilgan kun sifatida esda qolishi" haqida yozdi.

Xalqaro koinot stansiyasiga (XKS) yuk olib chiqishi kerak bo‘lgan Dragon koinot yuk tashuvchisini orbitaga olib chiqishi kerak bo‘lgan Falcon 9 raketasi Floridadagi Kanaveral burnidagi kosmodromdan uchirilgandan keyin ko‘p o‘tmay falokatga uchradi.

Falcon 9 raketasi, SpaceX xususiy kompaniyasi va NASA o‘rtasidagi shartnomaga ko‘ra, XKSga Dragon tashuvchisini jo‘natishi kerak edi. XKSga 2 tonna yuk, jumladan, oziq-ovqat mahsulotlari, ilmiy tajribalar uchun materiallar, stansiyani AQShning boshqariladigan koinot kemalari bilan tutashi uchun uni modernizatsiyalashga mo‘ljallangan tutashish uzeli yuborilayotgan edi.

Dragon yuk tashuvchisi va Falcon 9 raketasini SpaceX kompaniyasi ishlab chiqqan. Kompaniya NASA bilan tuzgan shartnomasiga ko‘ra, 2016 yilgacha XKSga 12 ta raketa uchirishi kerak edi. Kompaniya 2014 yil sentabrda Boeing bilan birga XKSga yuklarni yetkazib berishdan tashqari, XKSga boshqariladigan parvozlarni amalga oshirish uchun 6,8 mlrd dollarlik shartnomani yutib olgan edi.

SpaceX kompaniyasi Falcon 9 ikki pog‘onali raketasini juda ishonchli edi, deb ta'riflagandi.

Ekspertlarning fikricha, Falcon 9 raketasining tezlashtiruvchi blokidagi suyuq kislorod saqlanadigan bakdagi yuqori bosim raketani falokatga olib kelgan bo‘lishi mumkin.

“Raketaning tezlashtiruvchi blokidagi suyuq kislorod saqlanadigan bakda yuqori bosim bo‘lgan. Olingan ma'lumotlar falokatning bir-biriga teskari sabablarini ko‘rsatmoqda”, deb aytmoqda raketani ishlab chiqargan SpaceX kompaniyasining rahbari Elon Mask.