Joriy yilning 26 iyun kuni O‘zbekiston Savdo-sanoat palatasi binosida palata faoliyatini doimiy tarzda yoritishda amaliy yordam ko‘rsatayotgan bir guruh ommaviy axborot vositalari vakillarini ularning kasb bayramlari, 27 iyun – Matbuot va ommaviy axborot vositalari xodimlari kuni munosabati bilan taqdirlash marosimi bo‘lib o‘tdi. Tadbirda O‘zbekiston Milliy axborot agentligi, O‘zbekiston Milliy teleradiokompaniyasi xodimlari, “Jahon” axborot agentligi, qator gazeta va jurnal hamda saytlar muxbirlari ishtirok etdilar.
Tadbirda Palata faoliyatini yoritishda faol deb qayd etilgan OAV xodimlariga "Axborot ko‘magi sertifikati" hamda maxsus statuyetka tantanali ravishda topshirildi.
Shu bilan birga, taqdirlash marosimi doirasida OAV xodimlari ham o‘z samimiy tilaklarini bildirgan holda kelgusida O‘zbekiston Savdo-sanoat palatasi bilan hamkorlikni yanada samarali olib borishdan mamnun ekanliklarini alohida qayd etdilar.