28 iyun kuni Janubiy Koreyada Samsung Techwin kompaniyasining 140 nafar xodimi Sonnam shahrida kompaniya boshliqlarining majlisi o‘tkazilayotgan vaqtda bu jarayonga xalaqit qilgani uchun hibsga olindi.
Xodimlar rahbariyat tomonidan kompaniya qurol ishlab chiqarish bilan shug‘ullanuvchi Hanwha Group nomli korporatsiyasiga sotilishi haqida qaror qabul qilinganidan keyin o‘z noroziliklarini keskinroq tarzda ifodalashgan.
"Ishchilar bu qaror haqida bilib qolishganidan keyin muammo kelib chiqdi. Biz bu o‘zgarishning sababini bilishni istaymiz. Rahbarlar bunga tushuntirish berishmadi va uzr so‘rashmadi", deydi norozi xodimlardan biri jurnalistga intervyu berish chog‘ida.
Majlis vaqtida Samsung Techwin nomi Hanwha Techwin nomiga o‘zgartirilishi e`lon qiliingan.