Fransiyada AQShning iqtisodiy ayg‘oqchiligi haqidagi ma'lumotlar chop etildi

Liberation gazetasida WikiLeaks va Mediapart saytlari bilan hamkorlikda AQShning Fransiya ortidan iqtisodiy ayg‘oqchilik qilganidan guvohlik beruvchi materiallar chop etildi.

"AQSh Milliy xavfsizlik agentligining beshta tahliliy hisoboti AQSh maxsus xizmatlarining fransuz manfaatlariga qarshi olib borgan operatsiyalarining qanchalik katta miqyosdaligini yaqqol namoyon qiladi. Bu ma'lumotlar 2004-2012 yillar davomida fransuz siyosatchilari va diplomatlariga nisbatan josuslik faoliyati yuritilganidan dalolat beradi", deyilmoqda maqolada.

WikiLeaks asoschisi Julian Assanjning aytishicha, yaqin orada uning sayti bir qator yirik fosh qiluvchi materiallarni chop etishni boshlaydi.