IShID jangarilari Palmiradagi oltita haykalni sindirib tashladi

IShID guruhi jangarilari Suriyadagi qadimiy Palmira shahridagi yana bir qancha yodgorliklarni yo‘q qilishdi. San'at tarixining nodir yodgorliklari bo‘lmish oltita haykalning bosqon yordamida sindirib tashlangani qayd qilingan fotosuratlar internetda e'lon qilindi.
Eng diqqatga sazovor yodgorliklaridan biri – 2 ming yillik tarixga ega 3 m li arslon haykali ham sindirib tashlanganlar qatoridan o‘rin oldi. Suriya muzeyi qadimiyatlar departamenti direktori Ma'mun Abdulkarim bo‘lib o‘tgan voqeani “IShIDning Palmira merosiga qarshi sodir etgan eng jiddiy jinoyati” deb baholadi.
Ohakdan yasalgan ushbu haykal 1977 yili Polsha arxeologlari tomonidan al-Lot ibodatxonasidan topilgan bo‘lib, qadimgi arablarning osmon va yomg‘ir ma'budasiga bag‘ishlangan edi. Uning og‘irligi 15 tonnani tashkil qiladi.
IShIDning ma'lum qilishicha, haykallar ularni chet elga olib chiqib kelmoqchi bo‘lgan kontrabandachidan tortib olingan.