Suriyada jangarilar to‘plangan masjidda portlash yuz berishi natijasida 25 nafar jangari halok bo‘ldi

3 iyul kuni kechasi Suriyaning shimoli-g‘arbidagi Idlib viloyatidagi masjidlardan birida portlash yuz berdi.

"Elaf" nashrining ma'lumotlariga ko‘ra, Arixa shahridagi bu masjidga "Jyebhat an-Nasr" ("G‘alaba fronti") guruhi a'zolari iftorlik qilish uchun yig‘ilishgan va portlash tufayli ularning 25 nafari halok bo‘lgan hamda o‘nlab jangarilar jarohatlangan.

Portlash natijasida guruh boshliqlaridan biri ham o‘ldirilgani aytilmoqda.

Portlashni uyushtirgan tomon ma'lum emas. Taxminlarga ko‘ra "Al-Qoida" tarkibidagi bu guruh a'zolari hayotiga "IShID" jangarilari tomonidan suiqasd qilingan.