Zemfira Gruziyadagi konserti vaqtida Ukraina bayrog‘ini hilpiratdi

Mashhur rok qo‘shiqchisi Zemfira o‘zining Gruziya poytaxti Tbilisi shahrida o‘tkazilgan konserti vaqtida sahnada turib, boshi uzra Ukraina bayrog‘ini hilpiratdi.

U o‘z qo‘shiqlaridan birini ijro etishni boshlaganida zaldan uzatilgan ukrain bayrog‘ini olgan va biroz vaqt davomida uni boshi uzra hilpiratgan ko‘yi kuylagan. Keyin esa bayroqni sahnadagi mikrafonga bog‘lab qo‘yib, chiqishini davom ettirgan.

Bu holat Zemfira tomonidan "Interesno, kak ty tam. Budu dumat, chto v poryadke" qo‘shig‘i ijrosi vaqtida sodir bo‘lgan.