FIFA2013/2014 futbol simulyatorlari bo‘yicha ikki karra O‘zbekiston chempioni Abdusapi Qayumov (nik. Legenda), MDH davlatlari fiferlari ishtirok etgan Stars CUP CIS 2015 xalqaro onlayn turnirida FIFA15 musobaqalari bo‘yicha bronza medalini qo‘lga kiritdi. Bu haqda infocom.uz nashri xabar tarqatdi.
Mazkur turnir Rossiya kibersport federatsiyasi tomonidan tashkillashtirilgan turnirda MDH davlatlarining eng kuchli kibersportchilari ishtirok etishdi.
O‘zbekistonlik professional fifer 2,5 yildan buyon faoliyat olib bormoqda va mazkur muddat davomida u ko‘plab yutuqlarni ko‘lga kiritdi va mahalliy hamda xalqaro maydonda «Legenda» laqabi bilan tanildi, deb yoziladi manbada.