14:13 / 06.07.2015
4562

Samarqanddagi muzlatkich zavodining 88.8 foiz aksiyalari xorijiy investorga beriladi

O‘zbekiston Samarqanddagi “Sino” muzlatkich zavodi aksiyalarining 88.8 foizini xorijiy strategik investorga realizatsiya qiladi. Bu ish O‘zbekiston prezidentining 2015 yil 28 aprelidagi “Iqtisodiyotda xususiy mulk ulushini va ahamiyatini oshirish bo‘yicha chora-tadbirlar to‘g‘risida”gi qaroriga muvofiq amalga oshiriladi.
2010 yillan “Sino” aksiyadorlik jamiyati mamlakatdagi yagona muzlatkich ishlab chiqaruvchi korxona bo‘lmay qoldi.
Nuz.uz resursining eslatib o‘tishicha, ayni paytda O‘zbekiston bozorida Koreyaning Samsung Electronics, Xitoyning Midea Group va Changhong, Turkiyaning Ödül va boshqa tashkilotlar Toshkentda Artel Trade MChJni ishga tushirdi. Turli maishiy texnika mahsulotlarini ishlab chiqaruvchi ushbu kompaniya ayni kunda 900dan ortiq kishini ish bilan ta'minlab turibdi. Korxonaning quvvati yiliga 150 ming dona maishiy muzlatkich ishlab chiqarishga yetadi.
“O‘zeltexsanoat” “Motor zavodi” AJ hududida Xitoyning Midea Group hamda Yaponiyaning Shivaki brendlari ostida maishiy texnika ishlab chiqarishni yo‘lga qo‘ydi. Umumiy qiymati 13.7 mln dollarni tashkil qiluvchi uchta investitsion loyiha struktur o‘zgarishlar amalga oshirish, ishlab chiqarishni modernizatsiya va diversifikatsiya qilish chora-tadbirlari dasturiga kiritilgan. 2016 yilga kelib korxona yiliga 300 ming muzlatkich ishlab chiqarish salohiyatiga ega bo‘ladi.
Bundan tashqari, 2012 yildan buyon maishiy texnika ishlab chiqarish bilan shug‘ullanib kelayotgan Roison Electronics AQSh-O‘zbekiston qo‘shma korxonasi joriy yilda Jizzax maxsus sanoat va iqtisodiy zonasida yangi ishlab chiqarishni yo‘lga qo‘ymoqchi.
Umuman olganda, 2014-2018 yillarda O‘zbekistonda 1.85 mln muzlatkich ishlab chiqariladi. 2015 yili 240 ming, 2018 yili esa 600 ming dona ishlab chiqarish rejalashtirilmoqda.
2015 yili eksport hajmi 811 ming dollarni, 2018 yili esa 7.4 mln dollarni tashkil qiladi.

Top