Birvarakayiga ikki arab davlatida o‘xshash holatlar kuzatildi: Kuvaytda va Saudiya Arabistonida ayollar libosini kiyib, bosh-oyoq paranjiga chirmalgan erkaklar qo‘lga olindi.
Gulf Countries nashrining xabar berishicha, Kuvayt politsiyasi qo‘lga olgan erkak asli pokistonlik bo‘lib, masjid yaqinida ayollar libosida telefonda gaplashib turganda payqalgan. Ikki politsiyachi undan shubhalanib, ID-kartasini so‘ragan. Shaxsning erkakligi aniqlangach, hayratini yashira olmagan politsiyachilar uni idoraga olib ketishgan.
Sodir etilgan bir qancha qo‘poruvchilik harakatlaridan so‘ng Kuvayt politsiyachi masjid atrofida jiddiy nazorat o‘rnatgan.
O‘z navbatida, Saudiya Arabistoni diniy politsiyasi savdo markazidan ayollar kiyimida bo‘lgan erkakni sudrab olib ketayotgani videokameralarda qayd qilindi. YouTube’da joylashtirilgan qisqa videoda Yaxshilikni rag‘batlantirish va gunohni bartaraf qilish komissiyasining ikki nafar a'zosi erkakni mashinaga joylashtirayotgani ko‘ringan.
Mahalliy Ajel gazetasining xabar qilinishicha, ayollar libosida savdo markazini aylanib yurgan erkak diniy politsiya xodimlarining diqqatini tortib, idoraga olib ketilgan.