"Monako" jamoasining sport direktori Luish Kampush "Atletiko" jamoasidan yosh xavbek Yannik Ferreyre Karraskoga jiddiy qiziqish bildirilayotgani haqida ma'lum qilgan. Marca nashrida yozilishicha, bu borada dastlabki muzokaralar boshlangan.
"Ayni vaqtda u bizning o‘yinchimiz. Karrasko yangi mavsumga tayyorgarlik mashg‘ulotlarida jamoadoshlari bilan birgalikda qatnashmoqda. Ammo oldinda nima bo‘lishini bilmaymiz", deydi "Monako" sport direktori.
"Matraschilar" ushbu futbolchini "Barselona"ga transfer qilingan Arda Turonning munosib o‘rinbosari sifatida ko‘rayotgani aytilgan.
Biroz oldinroq, "Atletiko" Turonning o‘rniga "Benfika"dan Nikolas Gaytanni olib kelmoqchi bo‘lgan, ammo 35 mln yevrolik narx qimmat deya baholangani uchun bu urinish to‘xtatilgan.
Ma'lumot uchun, Karrasko o‘tgan mavsumda "Monako" safida Fransiya Oliy divizionining 36 uchrashuvida maydonga tushib, 6ta gol urgan hamda 10ta golli pas amalga oshirgan.