Nigeriya shimolida bomba portlashi oqibatida kamida 25 kishi, jumladan 2 yoshli bola halok bo‘ldi. Bu haqda Associated Press axborot agentligi xabar bermoqda.
Portlash sodir bo‘lgan shtat gubernatorining aytishicha, ushbu terakt “Boko Haram” guruhi tomonidan amalga oshirilgan.
Guvohlarning ta'kidlashicha, portlashni terrorchi-hudkush ayol amalga oshirgan va kamida 40 kishi halok bo‘lgan.
Ma'lumotlarga ko‘ra, 50 dan ko‘proq kishi shifoxonalarga yetkazilgan.
Shtat gubernatori odamlarni gavjum joylarga, ayniqsa terrorchilarning birinchi navbatdagi nishoni bo‘lgan masjidlarga borishdan ogohlantirmoqda. Mamlakatda oxirgi hafta ichida ko‘p sonli teraktlar oqibatida 300 ga yaqin kishi halok bo‘ldi.