2015 yilning 8 iyuliga kelib O‘zbekistondagi oliy o‘quv yurtlariga hujjat topshirgan abituriyentlar soni 100 ming nafardan oshib ketdi. Bu haqda Vazirlar Mahkamasi huzuridagi Davlat test markazi ma'lumot bermoqda.
Markaz bergan statistik ma'lumotlarga ko‘ra, hozirda har bir talabalik o‘rni uchun 1,7dan ortiqroq abituriyentlar davogarlik qilishmoqda. Bakalavr yo‘nalishiga qabul rejasi 57,9 ming nafar kishini tashkil etadi.
O‘tgan yilda O‘zbekiston oliy o‘quv yurtlariga jami 543 mingdan ortiqroq abituriyentlarning hujjatlari qabul qilingan. Har bir talabalik o‘rni uchun o‘rtacha 9 nafardan ortiqroq odam to‘g‘ri kelgandi.
Ma'lumot o‘rnida ta'kidlab o‘tish joizki, O‘zbekiston oliy o‘quv yurtlariga kirish imtihonlari an'anaga ko‘ra har yili 1 avgust kuni bo‘lib o‘tadi.