"Liverpul" jamoasining 20 yoshli yarim himoyachisi Rahim Sterling jamoa bilan birga Osiyo bo‘ylab sayohatga chiqishdan bosh tortdi. Bu haqda The Telegraph nashri xabar qilgan.
Shu tariqa Angliya terma jamoasi yarim himoyachisi tezroq "Manchester Siti"ga o‘tishni istayotganini bildirgan. "Shaharliklar" esa Sterling borasida uchinchi taklifni tayyorlamoqda. Bundan oldin "mersisaydliklar" 25 va 40 mln funtlik takliflarni rad qilgan hamda futbolchisini 50 mln funtdan kamiga sotmasligini ayon etgan.
Eslatib o‘tamiz, Sterling "Liverpul" bilan yangi shartnoma imzolashdan bosh tortmoqda. U ikki yildan so‘ng erkin agentga aylanishi mumkin.
