18:13 / 12.07.2015
4838

Kosovo aholisiga "IShID" jangarilari tomonidan suvlarning zaharlangani ehtimoli tufayli suv berish to‘xtatildi

Kosova hukumati mahalliy aholiga suv berilishini qisman to‘xtatib qo‘ydi. Bunga Prishtinadagi bosh suv omborining zaharlanishi haqidagi ma'lumotning paydo bo‘lgani sabab bo‘ldi. Politsiya Prishtinaning 100 mingga yaqin aholisini suv bilan ta'minlaydigan Badovats rezervuari oldida uch kishini qo‘lga oldi.

Kosovaning boshqa tumanlarida ham ularning ikki nafar sherigi qo‘lga olindi.

Mahalliy OAVlarning xabar berishicha, jinoyatchilarning "IShID" bilan aloqasi bo‘lgan. Ular terrorchilik ayblovi bo‘yicha hibsga olindi.

“Mutaxassislar suv omboridan olingan suvni tahlil qilishmoqda. Aholiga hech narsa xavf solmayotganiga ishonchimiz komil bo‘lmaguncha suv ta'minoti tiklanmay turadi”, deydi politsiya vakillari.

Top