O‘zbekiston meva-sabzavot eksporti hajmi 700 ming tonnadan ko‘proqni tashkil qilmoqda

15 iyul kuni O‘zbekiston Iqtisodiyoti vazirligida mahalliy OAVlar vakillari ishtirokida asosiy meva-sabzavotchilik turlari yetishtirish hajmini oshirish va O‘zbekiston aholisining ushbu mahsulotlarga bo‘lgan ehtiyojini ta'minlash masalalariga bag‘ishlangan matbuot-anjumani bo‘lib o‘tdi.

Ushbu tadbirda respublikada meva-sabzavotchilik va uzumchilik sohasida amalga oshirilayotgan chora-tadbirlar muhokama qilindi, ushbu sohalarning rivojlanishi va erishilgan natijalarga ta'sir qiluvchi omillar qayd etildi.

Oxirgi yillarda paxta o‘simligi maydonlarini qisqartirish va oziq-ovqat o‘simliklari, shu jumladan g‘alla, sabzavot, poliz ekinlari, kartoshka ekish maydonlarini ko‘paytirish bo‘yicha bosqichma-bosqich islohotlar amalga oshirilib kelinmoqda.

Natijada g‘alla ekinlarining umumiy ekin maydonlaridagi ulushi 1991 yildagi 25,7 foizdan 2014 yilda 45 foizgacha, kartoshka va poliz-sazbavot ekinlarining ulushi 8,8 foizgacha oshdi, texnik ekinlarning solishtirma og‘irligi 41,9 foizdan 35, 4 foizgacha kamaytirildi.

Shuningdek, meva-sabzavotchilik va uzumchilik ham tez sur'atlar bilan rivojlanmoqda hamda O‘zbekiston aholisini oziq-ovqat bilan ta'minlashda salmoqli ulush qo‘shmoqda.

Oxirgi 5 yil ichida poliz-sabzavot va kartoshka ekin maydonlari 19 foizga oshirildi hamda bog‘dorchilik va uzumchilik maydonlari 11 foizga kengaytirildi.

Ayni paytda barcha sug‘oriladigan qishloq xo‘jaligi yerlarining 20 foizi meva-sabzavot mahsulotlarini yetishtirish uchun foydalaniladi, ushbu sohaning qishloq xo‘jaligi mahsulotlarini yetishtirishdagi ulushi 41 foizni, eksportidagi ulushi esa 43,4 foizni tashkil qiladi.

Oxirgi yetti yil ichida 36,8 ming gektar yangi bog‘ va 35,3 yangi uzumzorlarni tashkil qilish yo‘li bilan 57,8 ming gektar bog‘ va 37,6 ming gektar uzumzor rekonstruksiya qilindi.

Oxirgi 5 yil ichida ilg‘or xorijiy tajriba asosida tomchilatib sug‘orish zamonaviy texnologiyasi va boshqa innovatsiyalarni qo‘llagan holda 23,5 ming gektar (barcha bog‘lar umumiy maydonining 9 foizi) yuqori hosilli bog‘lar yaratildi.

2009-2015 yillarning o‘zidayoq 2,6 ming issiqxona xo‘jaliklari yaratildi.

Oxirgi 10 yil ichida meva-sabzavotchilik va uzumchilik xom ashyosini qayta ishlash hajmi 4,2 barobarga, ya'ni 2004 yildagi 557 ming tonnadan 2014 yildagi 2320 ming tonnagacha oshdi.

Meva-sabzavot mahsulotlarini saqlash moddiy-texnik bazasini mustahkamlash va rivojlantirish chora-tadbirlari dasturi doirasida bir vaqtda saqlash 231,8 ming tonna mahsulotni saqlay oladigan 347ta zamonaviy omborxona qurib, foydalanishga topshirildi va 49,8 ming tonna sig‘imga ega 80ta mavjud muzlatish kameralari modernizatsiya qilindi.