Xitoy Yaponiyada qurolli kuchlar vakolatlarining kengaytirilishiga norozilik bildirdi

Xitoy Yaponiyada harbiylarning vakolatlarini kengaytirishni ko‘zda tutuvchi qonunning qabul qilinishidan keskin noroziligini bildirdi. Bu haqda XXR TIV xabarnomasidan ma'lum bo‘ldi.
Ilgariroq Yaponiya parlamenti quyi palatasi harbiylarning vakolatlarini kengaytirish to‘g‘risidagi qonunni ma'qullagani xabar qilingan edi. Bunday qaror ko‘plab e'tirozlarga va bosh vazir Sindzo Abe reytingining tushishiga olib keldi. Bosh vazirning fikricha, mamlakatning xavfsizlik masalasidagi qat'iy pozitsiyasi yangi tahdidlar, shu jumladan, Xitoyning faollashuviga javobdir.
Xabarnomada aytilishicha, XXR Davlat kengashi a'zosi Yan Tszechi Yaponiya Xavfsizlik kengashi bosh kotibi Syotaro Yati bilan Pekinda o‘tgan muzokaralar chog‘ida bu borada o‘z xavotirlarini bildirib o‘tgan.
“Tarixiy sabablarga ko‘ra Osiyo davlatlari va jahon hamjamiyati Yaponiyaning mudofaa va xavfsizlik siyosatiga katta e'tibor qaratib keladi, – deyiladi xabarnomada. – Yaponiya parlamenti tomonidan xavfsizlik to‘g‘risida yangi qonunning qabul qilinishi Yaponiyaning Ikkinchi jahon urushidan keyingi tarixidagi muqobili yo‘q voqea bo‘ldi”.