Fransiyada halokatga uchragan Airbus A320 yo‘lovchilarining qarindoshlari 200 ming yevrodan tovon puli talab qilmoqda

Germanwings kompaniyasiga tegishli, Fransiya Alplarida halokatga uchragan Airbus A320 laynerida halok bo‘lgan yo‘lovchilardan bir qismining qarindoshlari 200 ming yevrodan tovon puli talab qilmoqda. Bu haqda Bild gazetasi yozmoqda.
Aytilishicha, Lufthansa berayotgan tovon puli ayni damda 1 halok bo‘lgan kishi uchun 25 ming yevroni, har bir qarindoshiga esa 10 ming yevroni tashkil qilmoqda.
“Oila a'zolari bu taklifni rad qilmoqda”, – dedi 35 oilaning advokati Elmar Jyemulla.
Hozirgacha 50 ming yevro tovon puli to‘lab bo‘lingan.
Eslatib o‘tamiz, shu yilning 24 martida Germanwings kompaniyasiga tegishli Airbus A320 layneri Fransiya Alplarida halokatga uchradi. Ikkinchi uchuvchi kabinani ichkaridan yopib olib, samolyotni tog‘larga qulatdi. Natijada bortda bo‘lgan 150 kishi halok bo‘ldi.
Bundan tashqari, yaqinda YeI ushbu voqea munosabati bilan uchuvchilarga bo‘lgan talablarni oshirdi.