15:38 / 19.07.2015
5317

Tojikistonda sel tog‘oldi hududlaridagi o‘nlab uylarni vayron qildi

Tojikistonning Tog‘li Badaxshon muxtor viloyatidagi G‘und daryosining irmoqlaridan chiqib ketishi natijasida 56ta uy vayron bo‘ldi. Bundan tashqari, Interfaks agentligining xabar berishicha, sel 6ta do‘kon, elektr tarmog‘i va maktab binolarini vayron qildi.
4.5 km avtomobil yo‘llariga zarar yetkazilgan, shundan 2.5 km Xitoyga eltuvchi xalqaro trassa uchastkasi edi.
Suv oqimi yanada kuchayishi xavfi bor, shu tufayli sun'iy suv ombori yaratish bo‘yicha ishlar boshlab yuborildi.
Qutqaruvchilar aholini evakuatsiya qilmoqda, bu ishlarga 3ta vertolyot jalb qilingan.
Sel oqibatida 2ta GES faoliyati to‘xtagan, buning natijasida bir qancha tumanlar chiroqsiz qolgan.

Top