Irlandiyada o‘smirlar o‘rtasidagi rejalashtirilgan mushtlashuv Facebook’dagi xabar tufayli bartaraf etildi

Belfast politsiyasi 200 o‘smir o‘rtasidagi mushtlashuvning oldini oldi. Bu haqda The Guardian nashri xabar bermoqda.
Huquq-tartibotchilar mushtlashuv joyida patrul ishlarini olib borib, ikki kishini qo‘lga oldi.
Aytilishicha, ikkita guruh kelishmay qolib, o‘zaro “kuch sinashish” uchun joy belgilagan. Ammo kimdir Facebook ijtimoiy tarmog‘ida bu haqda xabar qoldirgan. Politsiya aynan shu tarmoq orqali voqea haqida xabar topgan.
“Bunday mushtlashuvlar uyushtirish katta ahmoqgarchilikdir. O‘smirlar nafaqat sog‘liqlaridan ayrilishlari, balki sudlanishlari ham mumkin”, – deyiladi Belfast politsiyasi tarqatgan bayonotda.