Kerri: AQSh va Eron Tehronning yadroviy dasturi bo‘yicha kelishuvga qaramasdan raqiblar bo‘lib qolaveradi

AQSh va Eron Tehronning yadroviy dasturi bo‘yicha kelishuvga erishilganiga qaramasdan ittifoqchilar bo‘lishmaydi, deb aytdi AQSh davlat kotibi Jon Kerri.

“Biz ittifoqchilar emas, raqiblar bo‘lib qolamiz. Bizda kelishmovchiliklar bor va bizda puch xayollar yo‘q”, deb aytdi Kerri CBS telekompaniyasi efirida.

Shu bilan birgalikda, Kerri Tehronga yadroviy qurolga ega bo‘lishga imkon bermaydigan yadroviy dastur bo‘yicha kelishuvni qo‘llab-quvvatlashini aytdi.

“Biz yadroviy qurolga ega bo‘lgan va bo‘lmagan Eron – ikkita turli davlat ekanini bilamiz. Biz ushbu kelishuv Yaqin Sharq, Isroil, mintaqa uchun vaziyatni ko‘proq xavfsizroq qiladi, deb hisoblaymiz”, deb ta'kidlamoqda Kerri.

Eron va xalqaro vositachilar “oltiligi” 14 iyul kuni ko‘p yillik Eron atomi muammosini hal qilish bo‘yicha tarixiy kelishuvga erishdi. Ko‘p oylik muzokaralar umumiy qo‘shma harakatlarning qabul qilinishi bilan yakunlandi. Bu harakatlarning Eron tomonidan bajarilishi Erondan BMT Xavfsizlik kengashi, AQSh va Yevropa Ittifoqi tomonidan kiritilgan iqtisodiy va moliyaviy sanksiyalarni to‘liq bartaraf qiladi.