Gruziya ichki ishlar vaziri Vaxtang Gomelauri Davlat xavfsizlik xizmatining rahbarligi uchun nomzod sifatida tanishtirildi. Bu haqda RIA «Novosti» agentligi xabar tarqatmoqda.
Mazkur yangilik to‘g‘risidagi bayonotni Gruziya Bosh vaziri Irakliy Garibashvili dushanba kuni bo‘lib o‘tgan brifing chog‘ida e'lon qilgan. Endi mamlakat parlamenti Gomelauri Xizmat boshlig‘i lavozimiga 6 yillik muddat uchun tasdiqlashlari kerak bo‘ladi.
Gruziya prezidenti Georgiy Margvelashvili o‘tgan haftada Davlat xavfsizlik xizmatini IIVdan ajratish bo‘yicha qonun loyihasini imzolagandi. Xavfsizlik xizmati joriy yilning 1 avgustidan mustaqil tashkilot sifatida faoliyat olib boradi.