Messi Gabondagi stadionga ilk g‘ishtni qo‘yish marosimidagi ishtiroki uchun 3,5 mln yevro oldi

"Barselona" jamoasi hujumchisi Lionel Messi Gabonda qurilishi boshlangan stadionga birinchi g‘isht qo‘yish marosimida ishtirok etdi va buning uchun 3,5 mln yevro miqdoridagi haq oldi. Bu haqda France Football nashrida yozilgan.

Ma'lum qilinishicha, 2017 yilgi Afrika Millatlar kubogi o‘yinlari uchun Port-Jantile shahrida 20 ming tomoshabin sig‘imiga ega bo‘ladigan yangi stadion qurilishi boshlandi.

Nashrda yozilishicha, Messini ushbu marosimda ishtirok etish uchun uning "Barselona"dagi sobiq jamoadoshlari va Gabon prezidenti bilan do‘stona munosabatda bo‘lgan Samuel Eto`O va Deku ko‘ndirishgan.