2016 yilda sotiladigan har uchinchi smartfon ikkita sim kartali bo‘ladi

2016 yilda dunyoda sotiladigan har uchinchi smartfon ikki sim kartaga ega bo‘ladi. Strategy Analytics tadqiqot kompaniyasi shunday prognoz bermoqda.

Tahlilchilar 2015 yilda ikki sim kartali smartfonlar dunyo miqyosidagi savdosi o‘tgan yilga nisbatan 19 foizga oshib, 431 donani tashkil qilishini aytishmoqda. 2016 yilda dunyo bo‘ylab sotiladigan 1,6 mlrd smartfondan 514 mln donasi aynan ikki sim kartali smartfonlarga to‘g‘ri keladi.

Ayni paytda ikki sim kartali qurilmalar Xitoy va Hindistonda katta miqdorda sotilmoqda. Bunday smartfonlarga yuqori talab ushbu qurilmalarning maqbul tariflardagi telefon aloqasi va mobil internet bilan bir vaqtda foydalanish imkoniyatini berishi bilan bog‘langan. Bundan tashqari, ikki sim kartali smartfonlar roumingda tejashga imkon beradi va foydalanuvchini shaxsiy va ishchi maqsadlarda turli telefonlardan foydalanish zaruratidan xalos etadi, deb tushuntirmoqda Strategy Analytics tahlilchisi Linda Sui.

Mutaxassislarning qayd etishlaricha, Samsung Electronics, Lenovo va Micromax kabi yirik smartfonlar ishlab chiqaruvchilari ikki slot va ikki sim kartaga ega Android-modellarni faol tarzda ilgari surayotganlari vaqtida, Apple hanuzgacha 500 mln.ga yaqin qurilmaga ega ushbu smartfon bozorini o‘z nazaridan chetda qoldirmoqda.