Turkiyada Suruchdagi terakt qurbonlarining birinchi dafn marosimlari bo‘lib o‘tdi

Turkiyada 21 iyul kuni mamlakatning Shonliurf viloyati Suruch uyezdida sodir etilgan teraktda halok bo‘lgan 32 kishidan 5 nafarining dafn marosimi bo‘lib o‘tdi. Mahalliy televideniyening ma'lum qilishicha, ushbu 5 nafar qurbonning jasadlari sud-tibbiyot ekspertizasidan keyin ularning yaqinlariga topshirilgan va qurbonlar qayerdan bo‘lsalar, o‘sha joyga yetkazilganlar.

Qolgan qurbonlarning jasadlari ham qonun bo‘yicha zarur bo‘lgan tartibotlardan keyin o‘z yaqinlariga topshiriladi. Dafn marosimlari katta sondagi mahalliy fuqarolar ishtirokida bo‘lib o‘tdi, ular terrorchilikka qarshi norozilik yurishi o‘tkazdilar.

Terrorchilikka qarshi norozilik namoyishlari mamlakatning boshqa yirik shaharlarida ham bo‘lib o‘tdi. Mamlakatning bir qator viloyatlarida yaqin kunlarga rejalashtirilgan barcha ko‘ngilochar tadbirlar bekor qilindi.