12:08 / 23.07.2015
2676

O‘zbekistonda 2015 yilning birinchi yarmida 130dan ortiq vagon qurildi

"O‘zbekiston temir yo‘llari" davlat aksiyadorlik kompaniyasi tarkibidagi “Metall quyish va mexanika zavodi”da joriy yilning yarmigacha 130dan ortiq vagon qurildi.

Shuningdek, mahalliylashtirish dasturi asosida mutaxassislar yil boshida buyon 270ta vagonni ta'mirlashgan.

"Pravda Vostoka" gazetasida yozilishicha, 2015-2019 yillar uchun joriy qilingan loyihaga ko‘ra, korxonada 44 mlrd so‘m evaziga 33 turdagi vagonlarni ishlab chiqarish rejalashtirilgan.

Zavodda kasb-hunar kollejlari bitiruvchilari bo‘lgan yoshlar hamda tajribali ustalardan iborat jamoa shakllantirilgan.

"O‘zbekiston temir yo‘llari" kompaniyasi malakali xodimlar tayyorlash, energiya tejovchi texnologiyalar joriy etish va yangi uskunalar sotib olish bo‘yicha o‘rta va uzoq muddatga mo‘ljallangan rejalarni amalga oshirmoqda.

Top