O‘zbekiston rahbariyati IShID tarkibiga o‘zbekistonlik ayollarning qo‘shilib qolishiga qarshi jiddiy chora-tadbirlar ko‘rmoqda. Bu borada tushuntirish ishlari olib borilmoqda, shuningdek, Suriya va Iroqqa ketib qolgan ayollarni ortga qaytarishga harakat qilinmoqda.
"IShID" safida bo‘lib, qaytib kelgan ayollar aytib berayotgan tafsilotlar ma'lum darajada boshqa ayollarni, jumladan, yosh qizlarni bunday xatti-harakatlardan ehtiyot bo‘lishga chorlamoqda.
Nukuslik 25 yoshli Sora ismli qiz turkiyalik tanishiga ishonib, Anqaraga uchib kelgan. Ikki oydan so‘ng u ota-onasi bilan aloqalarni uzdi. 7 oydan so‘ng u Turkiya chegarachilari tomonidan Suriyaga o‘tishga harakat qilganida qo‘lga olindi.
Bu kabi voqealar ko‘p bora takrorlanmoqda. O‘zbekistonning tegishli organlari fuqarolarni ekstremistlar targ‘ibotidan ehtiyot bo‘lishga chaqirmoqda.